Categories: General
      Date: Jan  2, 2018
     Title: 18. janvārī Ontana dīnas ļustes
Aicynojam apmekliet Ontona dīnas ļustes, kas nūtiks 18.01.2018.
Šūgod Latgolas patriotam, dzejnīkam i sabīdryskajam darbinīkam Ontonam Slišānam 28.decembrie izapildies 70 godi, deļ tam nu juo vuordadīnas leidz juo dzimšonas dīnai itū godi aizvadiesem zam saukļa Ontonam Slišānam 70.
18.janvarie pulksten 11:15 pi Upītes pamatškolas īsvietiesem pluoksni veļtietu Ontonam Slišānam. Turpynojumā 12:00 Upītes Tautas nomā Rēzeknes nūvoda vokaluos studejis "Skonai" CD "Rutaļa" prezentāceja. Diskā ir īkļautas 12 jaunas dzīsmes ar Ontona Slišāna vuordīm. Piečuok piec prezentācijas tī pat tautas nomā nūtiks Upītes pamatškolas i Namaterialuos kulturas montuojuma centra "Upīte" izsludynuotuo radūšūs dorbu konkursa uzvarātoju gūdynuošona i pašuos beiguos tīm, kam viel byus spāks - danči i rūtales.