Viļakas novada domes mājas lapa


Sekot mums Facebook Sekot mums Instagram
Vēlies uzdot jautājumu?
Jautājums Viļakas novada domei
Vārds*
E-pasts*
Jautājums*
Noderīgas saites

Vacuokajā latgalīšu muzykas festivalā itūgod pīsadaleis ari Renārs Kaupers

16. septembrī jau sešpadsmytū reizi Vileks nūvoda Upītie nūtiks vacuokais latgalīšu muzykas i dzejas festivals pasaulī – “Upītes Uobeļduorzs”, kurā eipašuo gosta statusā rādā latgalīšu muzykas grupom i dzejnīkim itūgod uzastuos ari Renārs Kaupers.

“Upītes Uobeļduorzs” itūbreid ir vīneigais festivals, kurs namaineigi kotru godu puļcynoj latgalīšu muziķus i grupas, īpazeistynoj ar jaunim vuordim latgalīšu kulturā i aicynoj gostūs kotru interesentu. Ituo goda festivalā Upītie sasatiks muziki i grupas: “Dabasu Durovys”, “Piparmētra”, “Metrs”, “Dvinskas muzikanti”, “Unknown Artist”, folkloras kūpas “Upīte” i “Rekavas dzintars”, Vinsents Kūkojs i grupa “Trikmīņs”, Dainis Adijāns, Kate i Doms, Rihards Krilovs, kuo ari itūgod atdzymušuo latgalīšu smoguo metala grupa “Fēnikss”, kurei dorbuojās da deveņdesmytūs godu suokuma. Par festivala dzejis ailem pasaryupēs Anna Rancāne, Mārīte Slišāne, Ligija Purinaša, Mārīte Bikovska, Karonhisake, Dagnija i Vucanu Voldyks.

Kotru godu festivals pasaryupej ari par kaidu eipašū gostu – latgalīšu dzejnīku i muziķu sasatikšonu Upītie pādejūs godūs ir kuplynuojs dzīsminīks Kārlis Kazāks, grupys “Inokentijs Mārpls” i “Gain Fast”, bet itūgod eipašuo gosta statusā byus muzikis Renārs Kaupers, kuram itei reize Upītie nabyus pyrmuo gasteišonas reize itymā pīrūbeža dzeraunē. 2017. gods Renāram, kuruo dzymtas saknes ari meklejamas Latgolā, bejs boguots taišni ar latgaliskū kulturu – kūpā ar latgalīšu muzikim īdzīduojs Valda i Māra Muktupāvelu dzīsmi, naoficialū Latgolys himnu “Pīmiņ, bruoļ”, uzastuojs Latgolas muokslas svātkūs Višķūs, gastejs Latgalīšu kulturas goda bolvā “Boņuks 2016”, kuo ari vadejs apbolvuojuma “Laiks Ziedonim” ceremoneju Latgolas viestnīceibā GORS, pyrma kuruos kūpā ar fondu “Viegli” devēs Latgolas izpietes ekspedicejā.

Festivala “Upītes Uobeļduorzs” pyrmsuokumi meklejami 2002. godā, i tys ir vacuokais da ituo pastūvuošais latgalīšu festivals pasaulī. Pasuokuma idejas autors ir latgalīšu literats, nūvodpietnīks, folklorists Ontons Slišāns, kurs īsadūmuoja sataiseit sovpateigu dzejas dīnom veļteitu festivalu, kab popularizātu i saglobuotu latgalīšu volūdu. Itūbreid festivala organiziešonu turpynoj Ontona dāls Andris Slišāns, saglobojūt festivalu kuo kasgadeju latgalīšu sasatikšonys reizi i turpynojūt tradiceju, ka kotram muokslinīkam vysmoz vīna dzīsme voi dzejūļs juoizpylda latgaliski, nu puorsvorā festivalā latgalīšu volūda skaņ symtproceņteigi.

Festivala īejis beleti byus nūpārkami iz vītas pyrma pasuokuma 16. septembrī, festivala suokums 19.00. Beletu cena nu 18.40 da 19.00 ir 3,00 €, piečuok 5,00 €. “Upītes Uobeļduorzs” reikuotuojs ir Namaterialuos kulturas montuojuma centrys “Upīte”.

Festivala nūtikšonu podtur Vaļsts kulturkapitala fonds, Vileks nūvoda dūme,  ZS “Kotiņi”, SIA “Dolo”, SIA “Advors”, “Vaduguns”, Latgalīšu kulturys gazeta lakuga.lv i raidejums “Pi myusim Latgolā”.

Vaira informacejas:
Andris Slišāns

Namaterialuos kulturas montuojuma centrys “Upīte” direktors
Mob. tel. +371 29621058
e-posts: andris.slisans@gmail.com

#UpītieDzeiveJauka

08.09.2017
Kalendārs
« Jūlijs 2019 »
POTCPSSv
1234567
891011121314
15161718192021
22232425262728
293031 
Šodien
Šodien vārda dienas svin:
Meldra, Meldris, Melisa
Īsās ziņas
27.jūliijā plkst.14:00 kultūras centrā "Rekova" bērnības svētki ...
2019. gada 7.augustā(trešdiena) Viļakas novada domē Viļakā no pulksten 11.00 - 14.00 aicinām uz semināru “Sadarbība un radošums Manā un Tavā kopienā” ikvienu interesentu, kuram......
8.augustā Viļakā, Balvu ielā 5 (pie Latvijas aptiekas) no 10.00 līdz 17.00 Mobilā diagnostika . ...
Jūlija vingrošanas nodarbības Semenovā.. ...
Palielinot autobusu braukšanas ātrumu, no 1. jūlija gaidāmas izmaiņas piecos maršrutos, ko apkalpo AS Nordeka ...
Viļakas novada atklātā pludmales volejbola čempionāts 2019 Nolikums ...
Pededzes robežšķērsošanas vieta turpmāk darbosies no plkst. 08:00 līdz 20:00 ...
Kapusvētki ...
Valsts un pašvaldības vienotais klientu apkalpošanas centrs ...
Valsts robežsardzes robežapsardzības nodaļu kontaktinformācija ...
Jaunākie video par mūsu novadu no Latgales reģionālās televīzijas. ...